HAYA NI CHADEMA LINDI

Mwenyekiti aliyejiuzuru CHADEMA Mkoa wa Lindi Ally Chitanda amemjibu katibu Mkuu wa Chama hicho Dk. Wilbrod Slaa na kumwita ni mwenye tama na mbinafsi huku chama kikitafunwa na udini, ukabila na ukanda.

Chitanda alitoa taarifa kwa vyombo vya habari jana, Dar es Salaam, ambapo alisema kuhusu hoja hiyo ya udini, ukabila na ukanda ni kwamba kati ya wakurugenzi sita, watatu ni wenyeji wa Mkoa wa Kilimanjaro na wote sita hakuna hata Mwislamu.

Alisema watanzania kutambua kuwa Dk. Slaa ni mlevi wa madaraka  na ndio maana hata yeye aliyekuwa Mwenyekiti wa Mkoa, Mjumbe wa Baraza Kuu la Taifa na Katibu wa Sekretarieti anamwita mtu mdogo katika chama.

“Ikiwa mimi ananiita mtu mdogo na nyazifa zangu hizo kwenye chama je, wanachama wa kawaida atawaitaje? Mimi nawathibitishia watanzania wenzangu mungu alitunusuru 2010, uchaguzi uliopita kwani Dk. Slaa ni mbinafsi na anatamaa.” Alisema Chitanda.

Akizungumzia kuhusu uhasama ulipo kati ya Zitto na Mwenyekiti Freeman Mbowe na Dk. Slaa, Chitanda alisema ulitokana na  Zitto kutaka kugombea uenyekiti wa chama hicho mwaka 2009.

Alisema uhasama huo uliongezeka baada ya Mbowe na Dk. Slaa kuwakumbatia watu ambao walikuwa wakimtukana Zitto, kwenye mitandao ya kijamii.

“Nasema Zitto hana kosa lolote linalofanana na adhabu aliyopewa na  chama hicho, hivyo Mbowe na Dk. Slaa wanajukumu la wajibu wa kusimamia haki na ukweli ndani ya CHADEMA.” Alisema Chitanda.

Aidha, Chitanda alizungumzia kuhusu hoja iliyotolewa na msemaji wa CHADEMA, Makene iliyomtaka aonyeshe barua ya uteuzi wa Katibu wa Sekretarieti alisema hoja hiyo inaonyesha ni namna Dk. Slaa alivyokuwa dhaifu katika utendaji wake wakazi.

Alisema nafasi hiyo alipewa mwaka 2010 na ilitokana na aliyetakiwa kufanya kazi hiyo ni Zitto, hivyo kutokana na kukabiliwa na majukumu mengi ya kikazi, akapendekezwa yeye atiuliwe kushika wadhifa huo ambapo sekretarieti ilithibitisha uteuzi huo chini ya uenyekiti wa Dk. Slaa.

“Uthibitisho wa kutosha ninao wa kuitumikia nafasi hiyo na ninayo baadhi ya maelekezo niliyokuwa nikipewa na Dk. Slaa na endapo sikua na wadhifa huo kwenye vikao vya sekretarieti, Kamati Kuu nilikuwa naingia kufanya nini?” alisema.

MBUNGE WA KIBAHA VIJIJINI ATOA VYETI KWA WAHITIMU WA MAFUNZO YA BODABODA

UKOSEFU wa elimu ya usalama barabarani kwa madereva wa pikipiki, ni chanzo kikuu cha ajali zinazotokea katika mkoa wa pwani, Kibaha.

Hayo yalisemwa jana, Mkoani humo na Mbunge wa Kibaha Vijijini Hamoud Jumaa wakati akiwakabidhi vyeti madereva 65, walihitimu mafunzo ya usalama barabarani kwa waendesha pikipiki.

Jumaa alisema ajali nyingi za pikipiki zinazotokea ni kutokana baadhi ya madereva kutokujua na kuzingatia sheria za barabarani kwani wengi wao wanajifunzia mitaani.

"Bila elimu hiyo huwezi kuwa dereva mzuri na mwenyekutimiza kutimiza majukumu ya kazi ipasavyo na kuwataka waache ubishi na wazingatie sheria zote, ikiwemo kuvaa kofia ngumu, kutanua na kupakia abiria zaidi ya mmoja." alisema.

Aidha,Jumaa alisisitiza kwa wale ambao wamepata mafunzo hayo wakayatumie vizuri ili waonekane tofauti nawale ambao hawakufanikiwa kupata elimu hiyo.

Hata hivyo Mbunge huyo alisema yuko tayari kusaidia kuendelezwa kwa mafunzo hayo ili kuhakikisha ajali zinapungua katika mkoani hapo.

Kwa upande wa ASP Aisha Soud akisoma risala kwa niaba ya Mkuu wa Kikosi cha Usalama Barabarani wilayani Kibaha,Edward Mutailuka alisema mafunzo hayo yamekuwa na mafanikio kwakuwa ajali zimepungua.

Aisha alisema madereva ambao wanapata ajali kwa kipindi hiki wanakuwa hawajapata elimu na wengine hawana leseni za udereva.

WAZAWA JITOKEZENI KUWEKEZA KATIKA SEKTA YA GESI NA MAFUTA






KAIMU Mkurugenzi wa Shirika la Maendeleo na Petrol Tanzania (TPDC), Joyce Kisamo.


SHIRIKA LA Maendeleo la Petrol Tanzania (TPDC), imeziagiza kampuni za ndani zenye uwezo wa fedha na utaalam kuichangamkia fursa ya kupata zabuni kwa ajili ya kuwekeza katika utafutaji wa mafuta na gesi asilia.



Kaimu Mkurugenzi wa shirika hilo Joyce Kisamo alisema hayo jana, Dar es Salaam, kuhusu mnada wa nne wa vitalu saba vya mafuta na gesi asilia vilivyoko baharini na kimoja kilichoko ziwa Tanganyika.

Alisema kampuni za ndani na nje zishiriki kupata zabuni ambazo zitafunguliwa mwakani, kwani TPDC na serikali imeweka utaratibu mzuri na kwa gharama nafuu ambazo kampuni hizo zinaweza kumudu gharama.

“Utaratibu uko wazi ambapo wazalendo na kampuni za nje zinaruhusiwa kushiriki katika mchakato huo ili mradi wawe na uwezo wa mtaji na kumudu gharama ambazo baadae zitarudishwa.” alisema Joyce.

Mkurugenzi huyo alisema vigezo vya kushiriki kwa kampuni za ndani zinazomilikiwa na wazawa vilivyowekwa na TPDC, kupata zabuni ni moja wapo kuwa na umiliki usipungue asilimia 50, ambazo zinajimudu kifedha na utaalam.

Pia, alisema hata kampuni za nje ambazo zinashirikiana na wazawa ambao watakuwa na umiliki wa zaidi ya asilimia 10, na watapewa kipaumbele kwani lengo ni kuhakikisha fedha zinabaki nyumbani badala kutoka nje.



Hata hivyo Joyce alisema kampuni za ndani si lazima zishiriki kataka uchimbaji bali yanaweza kuwekeza katika kutoa huduma mbalimbali kwa kampuni za uchimbaji ili mradi ziwe zimekidhi viwango vya kimataifa.

Kwa upande wa Mkurugenzi wa utafutaji, Uzalishaji na Shughuli za Kiufundi Dk. Emma Msaky alisema mshiriki anaweza kulipia ada isiyorejeshwa, kugharamia vifurushi vya data katika vitalu vya baharini na ziwa Tanganyika.



Alisema waombaji hao watatakiwa kuonyesha taarifa za ununuzi ya vitalu hivyo yaani masharti ya zabuni husika katika kitalu alichonunua lakini anaweza kununua vitalu vyote, ambavyo vinagharimu bilioni za 6.

Aidha, Dk. Emma amewataka watanzania kuwekeza katika biashara hiyo ambayo ina faida kubwa duniani kote.

KAIMU Mkurugenzi wa Shirika la Maendeleo na Petrol Tanzania (TPDC), Joyce Kisamo akizungumza na waandishi wa habari (hawako pichani), Dar es Salaam kuhusu mnada wa nne wa vitalu saba vya mafuta na gesi asilia ambapo azitaka kampuni za ndani zijitokeze kuwekeza utafutaji na uchimbaji wa gesi na mafuta. kulia ni Mkuu wa Manunuzi TPDC Edwin Riwa..



NGUGI awataka wasomi waliopata elimu nje ya Afrika kuacha kuiga tamaduni za Ulaya.

MWANAHARAKATI na Mwandishi wa vitabu Ngugi wa Thiong'o akizungumza katika kongamano lililoandaliwa na Chuo Kikuu cha Dar es Salaam, jana.

BAADHI ya wasomi barani Afrika waliopata elimu katika nchi za magharibi wamekuwa wakitawaliwa na utamaduni wa nchi hizo, ikiwemo kuacha kutumia lugha zao.

Hayo yalisemwa jana, Dar es Salaam na mwanaharakati na mwanasihi kutoka Kenya , Profesa Ngugi wa Thiong’o kwenye kongamano lililofanyika ukumbi wa Nkuruma, Chuo Kikuu cha Dar es Salaam.

Alisema wasomi wamekuwa wakiacha kuendeleza lugha zao za Afrika, tofauti na wasomi wa zamani ambao walikuwa wanatumia lugha zao kuwa siraha katika mapambano ya kujikomboa katika mikono ya wakoloni.

“Utamkuta mwafrika ambaye amepata elimu katika bara la ulaya, hata jina anabadilisha na kuweka la kizungu au anatumia lugha ya kingereza wakati wote, hata hivyo si kwamba watu wasijifunze kingereza ila wanapotoka huko wabaki na utamaduni wao wa Afrika”. Alisema Profesa Ngugi.

Alisema ni vizuri kujua lugha nyingi zaidi lakini si kutekwa au kutawaliwa na lugha za mataifa ya ulaya kwani bado utakuwa mtumwa wa tamaduni.

Profesa Ngugi alisema wasomi Afrika wa enzi hizo walikuwa wakitumia lugha zao kuwa kiungo muhimu na kuzithamini ambapo walizitumia katika harakati za ukombozi katika bara la Afrika ingawa kuna baadhi walikuwa wanaona hazifai.

Alisema kuenea kwa Kiswahili duniani ni matokeo ya wasomi na viongozi ambao waliweka sera na nadharia kwa vitendo katika jamii.

“Hayati Mwalimu Julias Nyerere ameacha urithi kwa watanzania kwa kukiendeleza Kiswahili kuwa lugha inayofahamika kimataifa duniani sawa na lugha nyingine”. Alisema Ngugi.

Alisema Nyerere mmoja wa wasomi waliokifanya Kiswahili kuwa lugha ya taifa kwa vitendo ambapo alitumia hotuba mbalimbali kwa lugha hiyo.

Ngugi wa Thiong'o akiwa na Makamu Mkuu wa Chuo Kikuu Dar es Salaam, Profesa Rwekeza Mukandala katika ukumbi wa Nkulumah.

MWENYEKITI wa Umoja wa Wanawake Tanzania (UWT), Kinondoni akabidhi kadi kwa wanachama wapya zaidi 100.

MWENYEKITI wa UWT, Wilayani Kinondoni akimkabidhi kadi ya UWT, mmoja wa wanachama waliojiunga na umoja huo, leo wakati wa semina kwa viongozi wa tawi la Ubungo Msewe.

BAADHI ya wanachama wakiapa kuitumikia UWT, mara baadhi ya kukabidhiwa kadi kwa wanachama wapya zaidi ya 100.
 

Mwenekiti wa UWT, Kinondoni akiwaongoza wanachama kula kiapo cha kukitumikia chama na umoja huo, ambao unashika kasi katika jimbo la ubungo.

Florence akiwa mmoja ya mikutano katika mikutano ya UWT, Kinondoni kuwahamasisha wanawake na kuwaeleza namna ya serikali ya CCM, inavyoendelea kutimiza ilani ya yake.

WATENDAJI wasiowajibika katika kata na mitaa yao waondoke wenyewe.

KATIBU Mkuu Ofisi ya Waziri Mkuu Tawala za Mikoa Serikali za Mitaa (TAMISEMI), Jumanne Sagini amewaagiza maofisa utumishi na watendaji kata na mitaa kutekeleza majukumu ya kuziweka manispaa zao katika hali ya usafi na wakishindwa wataondolewa.

Sagini alitoa agizo hilo juzi, jijini Dar es Salaam, wakati wa ziara ya kukagua hali ya usafi katika Halmashauri ya Manispaa ya Kinondoni.

Alisema watendaji walioko katika kata na mitaa wasimamie kazi zao ipasavyo kwa kuzitumia sheria ndogo ndogo zilizopo ili kuhakikisha manispaa hiyo inakuwa katika hali ya uchafu.

Alisema maeneo ya mijini yanadhalisha taka nyingi kuliko vijijini, hivyo basi watendaji wasimamie majukumu yao ili kuondoa adha na endapo wakishindwa kusimamia watahamishiwa vijijini ambako hakuna uchafuzi wa mazingira.

“Wakakague kwenye maeneo ya wafanyabiashara ambao sehemu zao za biashara ni chafu wawaifungie au kuwapeleka mahakamani ili sheria ifuate mkondo wake.” Alisema.

Alisema kata zinaweza kuunda vikundi vya ulinzi shirikishi wakaokuwa na jukumu la kulinda na kuwakamata watu wenye tabia ya kuchafua mazingira kwa kumwaga maji au taka barabarani na kuwatoza faini.

Pia, Sagini amewaagiza wafanyabiashara ndogondogo na wenye maduka ambao wanapanga bidhaa zao pembeni mwa barabara kuacha tabia hiyo kwani wanawasumbua watembea kwa miguu.

Baadhi ya maeneo alitembelea katika manispaa hiyo ni Hospitali ya Mwananyamala, kituo kipya cha mabasi ya daradara kinachojengwa katika eneo la sim 2000 kilichoko kata ya Sinza, Shule ya Msingi Hekima, Tandale, soko la Tandale, machinjio ya kuku katika soko la Mtambani na Ofisi ya kata ya Magomeni.




KATIBU Mkuu Ofisi ya Waziri Mkuu Tawala za Mikoa na Serikali za mitaa (TAMISEMI) Jumanne Sagini akizungumza na baadhi ya wagonjwa katika Hospitali ya Mwananyamala wakati wa ziara aliyoifanya katika Halmashauri ya Manispaa ya Kinondoni.






TAMISEMI na Watendaji wa manispaa ya Kinondoni wakiangalia daraja la mlalakuwa ambalo limekuwa likilalamikiwa lilkitiririsha maji taka, hata hivyo viongozi hao walipotembelea walikuta liko katika hali nzuri ya usafi. 

WAFANYAKAZI katika soko la machinjio ya kuku la Mtambani wilayani Kinondoni wakiwa kazini.

Ray C akizungumza na Katibu Mkuu (TAMISEMI) Jumanne Sagini wakati alipofanya ziara katika Hospitali ya Mwananyamala.

MAMLAKA husika chukueni hatua kudhibiti hali usafi katika mazingira wanayoishi dinadamu.

CHEMBA ya maji taka inavyohatarisha afya za wapita njia katika eneo la buguruni sokoni, kwa wiki kadhaa chemba hiyo imekuwa ikitiririsha maji taka.

WATEMBEA kwa miguu wakipata taabu kwa kukanyaga maji taka ambayo yanatiririka kutoka kwenye moja chembe zilizoko katika eneo la Buguruni Sokoni.

WAWILI wafariki Dar.

WATU wawili wamekufa jijini Dar es Salaam katika matukio mawili tofauti likiwemo la Frank Benonyitu aliyekutwa amekufa chumbani kwake, huko maeneo ya Yombo Kiwalani, wilayani Temeke.

Kamanda wa Polisi Mkoa Ilala Marietha Minangi alisema tukio hilo lilitokea saa 9.45 alasiri, ambapo mwili wa marehemuhuyo ulikutwa ukiwa umelala ndani humo bila ya jeraha lolote.

Marietha alisema, kwa mujibu wa maelezo ya mke wa marehemu Consolata Kayenga alisema siku hiyo alimuacha mumewe akiwa peke yake hapo nyumbani kwao ambapo yeye alienda kwenye send off ya mama ya mdogo, huko maeneo ya Mbande Mbagara.

Alisema mke huyo aliporejea kutoka kwenye send off alikuta mlango wa chumba chao umefungwa kwa ndani, alipochungulia kwenye tundu la mlango alimuona mumewe amelala kitandani akiwa tayari ameshafariki.

Aidha, Marietha alisema mwili wa marehemu umehifadhiwa katika Hospitali ya Taifa Muhimbili (MNH), kwa ajili ya uchunguzi.

Katika tukio lingine, mkazi wa Chang'ombe Unubini Shaban Nyakimwili aligonwa na gari na kufariki papo hapo.

Kamanda wa Polisi Mkoa wa Temeke Anglibert Kiondo alisema tukio hilo lilitokea juzi, saa 6.30 mchana, huko katika makutano ya barabara ya Mandela na Mbozi.

Kiondo alisema gari lenye namba za usajili namba T460 AMA, aina ya fuso, lilimgonga Nyakimwili aliyekuwa anavuka barabara kutoka upande wa kulia kwenda kushoto na hatimaye kufariki papo hapo.

Kwa mujibu wa Kamanda Kiondo, mwili wa marehemu umehifadhiwa katika hospitali ya Temeke, huku upelelezi unaendelea ili kubaini chanzo cha ajali hiyo.

Manispaa ya Temeke na changamoto uzowaji taka.

HALMASHAURI ya Manispaa ya Temeke imesema haina uwezo wa fedha za kutoshereza kwa ajili ya uzowaji takataka zinazoongezeka kutokana na ongezeko la idadi ya watu na shughuli za uzalishaji katika manspaa hiyo.

Manispaa hiyo inakadiriwa kuzarisha wastani wa tani 1138, za takataka kwa siku, ambazo huzalishwa katika maeneo ya makazi ya watu na sehemu za kufanyia biashara.

Akizungumza na waandishi wa habari, Dar es Salaam, jana, katika ukumbi wa Idara ya Habari (MAELEZO), Afisa Afya wa Mazingira wa manispaa hiyo Ernest Mamuya alisema kiasi cha taka kilichoshindwa kuondolewa ni kutokana na upungufu wa vitendea kazi.

Alisema kiasi hicho cha taka ambazo hazija zolewa ni wastani tani 599.5, ambazo ni sawa na 52, zinazodharishwa kwa siku katika maeneo mbalimbali.

Mamuya alisema vitendea kazi vinavyohitajika vian gharama kubwa na kupelekea manispaa hiyo kukosa fedha za kununulia, ndio maana taka nyingi zimeshindwa kuondolewa kwa wakati.

Afisa huyo alisema vifaa vinavyohitajika ili kukidhi mahitaji ya uzowaji taka ni magari sita ya kubebea makasha, makasha 60 ya kuhifadhia na kusafirishia taka, magari 10 kwa ajili ya kushindilia, mashine nne za kufagilia barabara, tela 26, trakta nne na malori 64 ya kubebea taka.

“Bajeti ya miradi ya maendeleo inayopangwa hutekelezwa kwa asilimia ndogo kutokana na fedha zake kutowasilishwa mapema kutoka serikali kuu, hivyo uchangia kucheleshwa uzowaji wa taka”, alisema.

Mamuya alisema matatizo mengine yanayosababishwa mlundikano wa taka ni kutokana na wananchi kushindwa kuchangia gharama za uzowaji, hivyo kuiongezea Halmashauri hiyo mzigo wa kugharamia na kusababisha kukwama kwa utekelezaji wa shughuli nyingine za kijamii.

NBC ilivyoadhimisha siku ya huduma kwa mteja...

BENKI ya Taifa ya Biashara imesema inampango wa kuwaongeza karani wa malipo , ili kupunguza foreni za wateja wanaochukulia fedha dirishani.

Hayo yalisemwa jana , Dar es Salaam na Meneja wa Mkuu wa Kitengo cha Huduma kwa Wateja wa benki hiyo Jane Dogan wakati wa maadhimisho ya siku ya huduma kwa wateja, iliyofanyika katika tawi la Sokoine.

Alisema wahudumu watakaoongenzwa tayari wako katika mafunzo ambapo mpango utakapokamilika utapunguza foreni kwani kwa sasa kumuhudumia wateja mmoja inachukua muda wa dakika 5 hadi 10.

Hata hivyo alisema benki hiyo katika kuboresha huduma zao wanatoa huduma ya kupokea na kutuma fedha kwa kutumia simu ya mkononi na katika mtandao wa intaneti.

Wafanyakazi wa benki ya NBC wakiwa tayari kwa ajili kuwahudumia wateja wakati wa maadhimisho ya siku ya wateja iliyoadhimishwa na benki hiyo katikati ya wikii hii, katika tawi la Ushirika eneola Sokoine drive mtaa wa azikwe, jijini Dar es Salaa.

Naye Mkurugenzi wa Benki hiyo Mizinga Melu alisema kuwa wanaathamanini wateja wao na ndio maana wanaendelea kuwahudumia kwa umahiri.

Alisema ni wajibu wao kutoa huduma ndio maana siku hiyo ya huduma kwa wateja wameamua kuwa wafanyakazi wote wajumuike pamoja katika kuwahudumia wateja wao.

“Tuko hapa wafanyakazi wote kuwasikiliza wateja wetu kuwahudumia tofauti na siku nyingine ambazo huwa tunakuwa ofisini ,” alisema Mizinga

Mkurugenzi wa benki ya NBC Mizinga Melu akizungumza na baadhi ya wateja katika benki hiyo wakati wa maadhimishohayo.

WASANII wa maigizo kutoka nchini Kenya wanaotamba na igizo la vituko mahakamani, wakiigiza katika ukumbi wa Idara ya Habari (MAELEZO), jijini Dar es Salaam. Wasanii hao ni Cubson Mbugua, Lucy Wangui na Peter Sankale

WANNE WAJIUNGA NA NCCR -MAGEUZI

CHAMA cha NCR-Mageuzi leo kimeongeza wanachama wapya wanne baadhi yao ni viongozi wa vyama mbalimbali.

Akizungumza na waandishi wa habari, makao makuu chama hicho, yako Illa mtaa wa Arusha jijini Dar es Salaam, Kaimu Katibu Mkuu Mosena Nyambabe alisema wanachama leo tunawapa kadi rasmi na kijiunga na NCCR Mageuzi.

Aidha, Nyambabe aliwatambulisha wanachama hao wapya ni Ramadhani Manyeko, kutoka chama cha APPT-Maendeleo, ambaye alikuwa katibu wa Mkoa wa Tanga, Mchata Erick Mchata kutoka chama cha Saut ya Umma (SAU), ambaye alikuwa Naibu Katibu Mkuu, Florence Abdallah Twalipo, kutoka CCM na Lilian Kifunga kutoka CHADEMA.

Katika hatua nyingine katibu huyo amewakumbusha baadhi ya viongozi wa majimbo ambayo hawajafanya uchaguzi, wafanye uchaguzi wao, kwani wako katika hatua za mwisho kuandaa uchaguzi mkuu.

Hata hivyo aliwapongeza majimbo ambayo yameshakamilisha zoezi la uchaguzi kwani majimbo 206 teyari yameshafanya uchaguzi kati ya 239 ya Tanzania Bara na Zanzibar, hivyo basi majimbo ambayo bado yafanye chaguzi kabla ya Novemba 10, 2013.

Pia, Nyambabe alitoa pole kwa wanahabari kwa kufiwa na mwanahabari mkongwe nchini Julius Nyaisanga, Maarufu Uncle J, ambaye alifariki 20, mwezi huu, Mkoani Morogoro.

Alisema NCCR mageuzi watamkumbuka kutokana na utendaji wake wa kazi na uadirifu wake...,pia alitoa pole kwa na kumtakia afya njema mwandishi wa habari wa kituo cha ITV Ufoo Saro.

CHUO CHA SERIKALI ZA MITAA, DODOMA CHAONGEZA UDAHILI KWA WANAFUNZI

AFISA Uhusiano wa Chuo cha Serikali za Mitaa Sebera Furgece akizungumza na waandishi wa habari kuhusu chuo hicho kuongeza udahili kwa wanafunzi kwa mwaka 2013/2013.

CHUO cha Serikali za Mitaa kilichopo Hombolo Mkoani Dodoma kimeongeza udahili kwa wanafunzi na kufikia 2,491, ikiwa ni pamoja wale wanaoendelea na masomo kwa mwaka 2013/2014.

Akizungumza na waandishi wa habari katika ukumbi wa Idara ya Habari (MAELEZO), jijini Dar es Salaam, Afisa Uhusiano wa chuo hicho Sebera Furgece alisema idadi hiyo inajumuisha wanafunzi waliomaliza kidato cha nne na cha sita, ambao wanaojiunga na Stashahada na Astashada katika fani mbali mbali.

Alisema idadi hiyo ni sawa na ongezeko la asilimia 96.5...aidha chuo hicho kimeanza ujenzi wa kituo cha Afya kitakachogharimu sh. bilioni 7.6, ambapo lengo la kuanzisha kituo hicho ni kuboresha utoaji huduma za Afya kwa wagonjwa wapatao 3000.

Madhumuni ya chuo hicho ni kuchangia uwezeshaji wa mchakato wa kupeleka madaraka kwa wananchi, kujenga na kukuza utawala bora, kukuza uchumi na kuondoa umaskini katika ngazi mbalimbali za serikali za mitaa hapa nchini.

MOTO ULIVYOTEKETEZA GHALA LA KUHIFADHIA MIPRA YA KUTENGENEZEA VIATU KATIKA KIWANDA CHA OK PLASTIC

MKAZI wa Vingunguti, Dar es Salaam, hakufahamika jina lake amesababisha kuchoma moto mabaki ya kutengenezea viatu ya kiwanda cha Ok Plastic kilichoko Vingunguti.

Mtu huyo ambaye hakufahamika jina lake inasadikiwa alikuwa analina asali katika eneo la kuhifadhia mabaki hayo, ambapo aliwaona nyuki wakizagaa katika eneo hilo.

Kaimu Kamanda wa Temeke Kikosi cha Zimamoto Hamisi Rutengo alisema moto ulianza saa 4.15 asubuhi, ambapo ulisababishwa na kijana huyo aliyekuwa akitaka kulina asali baada ya kuona nyuki katika eneo hilo.

Rutengo alisema mtu huyo aliwasha moto, hata hivyo alishindwa kuudhibiti na kuenea sehemu mbalimbali na kuanza kuteketeza mabaki ya mapira ambayo yalikuwa yamehifadhiwa kwa lengo la kutengenezwa tena.

Kwa mujibu wa Kamanda alisema mtu huyo anashikiriwa katika kituo cha polisi Buguruni kwa ajili uchunguzi ili kubaini chanzo cha moto.

Kwa upande wa Afisa Utawala wa kiwanda cha Ok Plastic Martine Msamba alisema mlinzi wao alimuona mtu akizagaa katika eneo huku akiwa amewasha moto.



Alisema mlinzi alienda kumuamuru auzime moto na aondoke katika eneo hilo laikini mtu huyo alikataa ndipo mlinzi alienda kuomba msaada kwa walinzi wenzake ili wamtoe kijana huyo.

Msamba alisema baada ya kurudi katika eneo hilo walikuta moto umeshaenea sehemu kubwa, walimkamata kijana huyo na kumkabidhi kwa vyombo vya usalama waliokuwa wanafanya doria katika eneo hilo.

Hata hivyo Afisa huyo alisema eneo hilo lilikuwa mali yao lakini kwa sasa si mali kiwanda, hivyo wamekuwa wakiyaondoa mabaki hayo kidogokidogo katika eneo hilo.

ALIVYO AGWA MPENDWA WETU MTANGAZAJI NGULI WA TANZANIA JULIUS NYAISANGA 'UNCLE J'

Viongozi mbalimbali wa vyama vya siasa wakiwapa pole familia ya marehemu Julius Nyaisanga

Mwenyekiti wa MOAT, dK. Mengi akiaga mwili wa marehemu Uncle J, wengine ni Betty Mkwasa na Freeman Mbowe katika viwanja vya Leaders, Dar es Salaam.

SHULE YA MSERU imeipongeza serikali kwakuweka alama mpya usahihishaji wa mitihani ya kidato cha nne ,mwaka huu mitihani itaanza mwezi ujao.

Wanafunzi wa Mseru Sekondali wakiwa katika mafali.

MKUU wa shule ya Sekondali Mseru, Fabianus Kapinga amesema alama mpya zitakazotumika katika kusahihisha wa mitihani ya kidato cha nne mwaka huu itasaidia kuinua kiwango cha elimu nchini.

Kapinga alisema hayo, Kongowe, wilayani Mkuranga, mwishoni mwa wiki wakati wa mahafali ya shule hiyo ambapo alisema alama F, itaanzia 0 hadi 34, waka

ti awali ilikuwa alama F inaanzia 0 hadi 20.

"Waziri wa elimu Dk. Shukuru Kawambwa katika hotuba yake kwa wakaguzi wa shule alisema anataka kuona mpango wa Matokeo Makubwa Sasa (BRN) unafanikiwa katika kuinua kiwango cha elimu." alisema.

Aidha, Kapinga alisema kwa upande wa shule ya mseru imeweka mikakati ya kuinua ufaulu kwa wanafunzi ambapo wanafunzi waliofeli mitihani ya kidato cha kwanza mwaka huu watarudia tena kidato cha kwanza mwakani.

Alisema mikakati mingine ni kuhakikisha kwamba kila mwanafunzi anakuwa jarada la kutunzia taarifa za mitihani yake ili awe na kumbukumbu ya maswali.

Alisema mwanafunzi atapewa maswali ya kufanya wakati wa likizo ambapo msimamizi atakuwa mzazi wake na atakaporudi shuleni jarada hilo litakaguliwa na endapo itabainika hajafanya maswali aliyopewa atarudishwa nyumbani.

Hata hivyo amewataka wazazi kuhakikisha wanawalipia watoto wao ada kwa wakati ili kukabiliana na changamoto zilipo katika shule hiyo.

Kapinga alisema wazazi tunawadai sh. milioni 11.6 kwani shule ina wanafunzi 217, kati ya hao 31, ndio wanaolipa ada kamili, wanafunzi 57, wanalipa nusu ada na 129 wanafadhiliwa na shule hiyo.

Wanafunzi wa kidato cha nne wa Shule ya Mseru sekondali wakiimba katika mafali yaliofanyika katika shule hiyo ilioko Kongowe, Mkuranga Mkoani Pwani. 

KANISA LA CHRIST EMBASSY KUTOKA NIGERIA LAKARABATI KITUO CHA POLISI CHA OYSTERBAY

KANISA la Christ Embassy limewataka wananchi kutii sheria za nchi na kuachana kufanya vitendo vya uharifu katika jamii.

Mchungaji wa kanisa hilo Ken Igini alitoa wito huo wakati wa  sherehe za ufunguzi jengo la kituo cha polisi cha Oysterbay lililofanyiwa ukarabati wa kupakwa rangi na kanisa hilo.

Alisema utawala bora katika nchi ni pamoja kulinda usalama wa watu, ambapo jeshi la polisi limekuwa likitekeleza majukumu yake ipasavyo ndio maana kanisa hilo limekuwa likifundisha upendo na amani kwa watu wote.

Aidha, Mchungaji huyo alisema mradi huo wa kukarabati kituo hicho ni mojawapo ya sera za kanisa hilo kutambua na kuheshimu umuhimu wa huduma zitolewazo na jeshi la polisi kwa kuliinda jamii na mali zako.

Pia, alisema kanisa hilo linauunga mkono juhudi zinazofanywa na serikali ya Tanzania katika kuhakikisha jeshi la polisi linafanya kazi katika mazingira mazuri ndio maana na wao wameweza kulikabarati jengo hilo.

Mchungaji Igini alisema kanisa hilo lina matawi duniani kote ikiwemo Tanzania ambapo kuna matawi 14, ambapo wamekuwa wakijihusisha kufundisha upendo na amani kwa watu wote.

Naye Mkuu wa Polisi Wilayani Kinondoni Wibrod Mutafungwa alisema kanisa hilo limeonyesha mapenzi kwa kituo hicho cha Oysterbay hivyo wameshukuru kwa ukarabati huo.

Mutafungwa aliziomba taasisi nyingine kujitolea katika kulisaidia jeshi la polisi nchini kutokana na kazi kubwa wanayoifanya ya kulinda watu na mali zao

CENTRE FOR TRADING & DEVELOPMENT INITIATIVE (CETRADIN)

CETRADIN: VIJANA WASIKUBALI KURUBUNIWA NA WANASIASA KUVURUGA AMANI YA NCHI KATIKA KIPINDI HICHI CHA MCHAKATO WA KATIBA...




Mkurugenzi Mtendaji wa Kituo cha CETRADIN Saum Rashid kulia akizungumzia kuhusu Amani

 

KITUO cha Mafunzo na Maendeleo (CETRADIN) kimewataka

vijana wasikubali kutumiwa na wanasiasa kuwa mtaji wa

kuvuruga amani katika kipindi hichi cha kupata katiba mpya.

Akizungumza na waandishi wa habari jijini Dar es Salaam,

Mkurugenzi Mtendaji wa kituo hicho Saum Rashid alisema

wameamua kuungana na wanawake wote nchini kulaani

vitendo vyote vinavyoashiria uvunjifu wa amani katika kupata



katiba mpya.



Alisema amani inapovunjika katika nchi yeyote wanaoathirika

zaidi ni wanawake, watoto wazee na walemavu, hivyo basi

amewataka vijana kuweka utaifa mbele ili kuindeleza amani

iliyodumu kwa miaka mingi.



"Katiba ya kweli na yenye maslai kwa watanzania haiwezi



kupatikana kwa maandamano wala kupambana na vyombo vya



usalama, ila katiba mpya itapatikana endapo kutakuwa na

maridhiano na kuweka utaifa mbele." alisema.

Mkurugenzi huyo alisema wanaimani Rais Jakaya Kikwete

ataufikisha mwisho mchakato wa kupata katiba mpya kwa

wakati kwakua ni msikivu na mwadirifu hivyo basi watanzania

wampe nafasi.

Aidha, CETRADIN imemuomba Rais Kikwete watakapokutana

na vyama vya siasa wamalize kasoro zilizokuwepo katika

mchakato huo wa katiba mpya ili kudumisha amani iliopo kwa

watanzania na kuendelea kuwa mfano bora katika Afrika.

Hata hivyo, wamemuomba Rais amani na mafanikio ya katiba

ijayo kuwe na ushiriki sawa kati ya wanawake na wanaume

katika bunge maalum lakatiba, kwani wanaamini suala hilo liko

ndani ya uwezo wake.

ICC: SENUSSI AFUNGULIWE MASHTAKA LIBYA.

Gaddafi enzi za uhai wake

Mahakama ya kimataifa ya jinai, ICC, imeamua aliyekuwa Mkuu wa Ujasusi enzi ya utawala wa marehemu Muamar Gadaffi, Abdullah al-Senussi, mashtaka yake yafunguliwe nchini Libya.

ICC haitaendelea kumtaka Bwana Senussi kwenda The Hague kwa ajili tuhuma zinazomkabili dhidi yake.

Senussi aliyekuwa mkuu wa ujasusi alitakikana na mahakama ya ICC kwa uhalifu dhidi ya binadamu , makosa aliyoyafanya wakati wa mapinduzi ya kiraia dhidi ya Gaddafi.

Mkuu huyo alikabidhiwa na Mauritania kwa Libya baada ya kukamatwa nchini humo mwaka jana.

ICC kwa kawaida haiendeshi kesi dhidi ya mshukiwa ikiwa kuna dalili kwamba watatendewa haki nchini mwao.

Aidha, taarifa ya mahakama hiyo imesema kuwa uamuzi huo hauna uhusiano wowote na kesi dhidi ya mwanawe marehemu Gaddafi,Saif al-Islam Gaddafi anayetakiwa na mahakama hiyo.

Islam pia alishtakiwa kwa makosa ya uhalifu wa kivita na alishitakiwa pamoja na watu wengine 36.

Saif Gaddafi anazuiliwa na kundi la wapiganaji wa kiisilamu mjini Zintan. Mwezi jana wapiganaji hao, walikataa kumkabidhi Seif kwa serikali kufikishwa mahakamani na Senussi .

15 arrested connected to acid attacks

Zanzibar police arrest 15 connected to acid attacks
Police in Zanzibar have arrested 15 people in connection with a spate of acid attacks in recent months.
Mussa Ali Mussa, the police commissioner, also claimed police seized 29 litres of acid from different people, alleging they were illegally in possession of it.
Last month two young female British volunteers were badly burned when acid was thrown in their faces by a man on a motorcycle. Last week a Catholic priest was attacked and badly injured in the fifth acid attack in Zanzibar in Tanzania since November.
Mr Mussa also claimed that the suspects had links to al-Qaeda and al-Shabaab, but offered no evidence. Analysts thought the allegations unlikely, with Ahmeid Rajab, the managing director of the Somali satellite television network, Universal TV saying: "Zanzibar is unlikely to have an al-Shabaab or al-Qaeda presence. After all, those radical groups never ever use acid to advance their goals."
He added that police are looking for another excuse to escape blame for failing to arrest realistic suspects and instead they are going after innocent people – including school teachers who possess acid as part of their teaching resources.
Mohammed Hafidh, an economist, said he also doubts the validity of the police commissioner's statement. He said the acid attacks do not bear the hallmarks of al-Qaeda and al-Shabaab attacks. The two groups are known for deadly and large-scale attacks.

Hii ni blog mpya napenda kuwakaribisha wadau wote.